| Yr Act Gyntaf GOLYGFA 1 Tu mewn i eglwys wledig yng Ngogledd Cymru. Ar y cychwyn y mae'r llwyfan yn gwbl dywyll Clywir cynulleidfa eglwys yn llefaru, a hynny'n ddieneiniad, y darn canlynol o'r cymun bendigaid... |
|
| Cynulleidfa |
Gan hynny, yr ydym yn offrymu ac yn cyflwyno i ti, O! Arglwydd Ein hunain, ein heneidiau a'n cyrff, I fod yn aberth rhesymol, sanctaidd, a bywiol i ti, Gan ddeisyf arnat ein cadw trwy dy ras Yn y gymdeithas sanctaidd hon. |
| Yn araf, cyfyd un golau ar wyneb offeiriad, sef Huw Williams. Saif yng nghanol y llwyfan. Fel yr â'r weddi ymlaen mae ei wyneb yn aflonyddu. Mae rhyw gryndod yn ei wedd sy'n awgrymu ing a phoen. Edrycha ar y gynulleidfa ddychmygol sydd o'i flaen... |
|
| Cynulleidfa |
A'n galluogi i gyflawni'r gweithredoedd da hynny Y darperaist i ni rodio ynddynt; Trwy Iesu Grist ein Harglwydd, Y bo iddo gyda thi a'r Ysbryd Glân Bob anrhydedd a gogoniant, Yn oes oesoedd. Amen. |
| Saib. Mae tensiwn yn yr wyneb. Cyfyd ei law yn araf, araf i gyflwyno'r fendith ond y mae'n ei chael hi'n anodd mynd yn ei flaen. |
|
| Huw |
Ta... Tangnefedd Duw... sydd uwchlaw pob deall a... a... gadwo eich calonnau a'ch meddyliau... yng ngwybodaeth a chariad Duw,... a'i fab Iesu Grist ein Harglwydd: A... a bendith Duw... a bendith Duw Hollalluog, y Tad... y Mab... a'r Ysbryd Glan... a fo i'ch plith, ac a drigo gyda chwi yn wastad... |
| Cynulleidfa |
(Efo'r organ.) Amen. |