| (0, 2) 32 | Dos yn ebrwydd i geisio goruchwyliwr y tŷ; rhaid i mi roi gorchymyniddo. |
| (0, 2) 34 | Ys gwir, y mae golwg da ar fy nhŷ. |
| (0, 2) 35 | Saif yma yn urddasol, yn wych a chyfoethog. |
| (0, 2) 36 | Nid oes yn y dref un tebyg iddo. |
| (0, 2) 37 | Y mae ynddo liaws o ddodrefn drud, cistiau lawer, cypyrddau lawer, gweinidogion lawer, heblaw hynny, trysor teg o aur pur, ac o flaen y porth digon o lawntiau. |
| (0, 2) 38 | Plasdy yn y wlad hefyd, tyddyn llawn o wartheg a defaid a'r rheiny'n dwyn elw i mi, fel yn wir y gallaf fyw'n llawen o ddydd i ddydd. |
| (0, 2) 40 | Swyddog, dos i ymofyn côd lawn o aur i mi—fe anghofiais ei dodi yn fy ngwregys. |
| (0, 2) 41 | Dal sylw ar hyn hefydy fory, rhaid paratôi gwledd o'r pethau gorau oll—bydd perthynasau a gwahoddedigion dieithr yn dyfod. |
| (0, 2) 42 | Rhaid bod wedi trwsio'r bwrdd yn wych. |
| (0, 2) 43 | Gyrr y Cogydd yma, dos dithau ynghylch yr aur. |
| (0, 2) 45 | Y mae arnaf eisiau gwledd gostfawr erbyn yfory. |
| (0, 2) 48 | Crynu'r cryd arnat! |
| (0, 2) 49 | O'r newydd? |
| (0, 2) 50 | Dim ysborion ar fy mwrdd i! |
| (0, 2) 52 | Yr asyn! |
| (0, 2) 53 | A wyt ti'n meddwl mai cinio cardotyn a fynnwn i? |
| (0, 2) 57 | Cadw di olwg ar forwyn a gwas, nid ynt yn rhyngu mo'm bodd ym mhopeth. |
| (0, 2) 61 | Dyna pam yr wyt ti'n ben swyddog yma, er mwyn i ti—O, dyma'r cydymaith! |
| (0, 2) 64 | Yr oeddwn eisoes yn disgwyl amdanat. |
| (0, 2) 65 | Awn yn awr at borth y dref i edrych y darn tir, gael i ni weld a dalo at wneud gardd bleser. |
| (0, 2) 76 | Myfi? |
| (0, 2) 77 | Pwy yw, tybed? |
| (0, 2) 82 | O'r gorau! |
| (0, 2) 85 | Aie? |
| (0, 2) 86 | Gwaed Duw! |
| (0, 2) 87 | Dyro hi'n ôl i mi, ynteu. |
| (0, 2) 90 | O honyna? |
| (0, 2) 94 | Dim ond hynny? |
| (0, 2) 100 | Aros! |
| (0, 2) 101 | Pwy roes gennad i ti sôn am fy nghistiau, fy rhenti a'm llogau i? |
| (0, 2) 104 | Gad iddo! |
| (0, 2) 106 | Weli di, yr wyt yn methu'n arw wrth feddwl y gallwn i rhag blaen rannu'r hyn sydd yn y pwrs â thi. |
| (0, 2) 107 | Erbyn hyn, nid eiddof i mo'r arian, yn un peth—rhaid i mi eu talu heddiw fel pris gardd bleser. |
| (0, 2) 108 | Rhoddais fy ngair i'r gwerthwr, ac nid erys hwnnw ddim yn hwy am yr arian. |
| (0, 2) 111 | Pe dygid y nesaf yma, ni byddai hwnnw chwaith ddim yn rhydd. |
| (0, 2) 112 | Rhaid i'm harian i dreiglo a gweithio, ymryson ag angau ac â'r diawl ei hun, rhedeg ymhell a gorwedd ar lôg, er mwyn i minnau gael yr eiddof fy hun. |
| (0, 2) 113 | Heblaw hynny, cyst fy nhai lawer i mi; cadw meirch, bytheiaid a gweinidogion, a'r pethau eraill sy'n perthyn i'r busnes, gerddi, pysgodlynnoedd, tir hela mwy o ofal am bethau felly nag am blentyn bach! |
| (0, 2) 114 | [Rhaid eu cadw mewn trefn a'u gwella o hyd, cost fawr i ddechrau a chost wedyn o hyd.] |
| (0, 2) 115 | Hawdd iawn dywedyd "Gŵr cyfoethog," eto llawer trafferth y sydd, a galw arnom o bob cyfeiriad, peth na ddaeth i'th ben di erioed. |
| (0, 2) 116 | Dônt yma o bell ac agos, pob un a'i hawl a phob un a'i angen; [ni chymerai dyn mo'r tricham oddi yma at y wal acw heb fod o hyd a'i law'n agored.] |
| (0, 2) 117 | Purion, ond rhaid cael rheswm a chyfraith hefyd, ac i bawb ofalu am yr hyn a berthyn iddo. |
| (0, 2) 118 | Rwyt ti'n methu yn y fan yma eto. |
| (0, 2) 119 | Pe cyfrifid f'arian a'm heiddo i gyd, a'u rhannu rhwng pob Cristion y byddai arno angen elusen, ni ddeuai mwy i ti na'r swllt hwn, yn sicr. |
| (0, 2) 120 | Am hynny, cymer ef rhag dy flaen, canys dyma dy gyfiawn ran. |
| (0, 2) 124 | Bellach, ni awn, y mae hi'n hwyrhau. |
| (0, 2) 132 | I bwy y mae'r ergyd yna? |
| (0, 2) 134 | Nid wyf yn deall monot. |
| (0, 2) 135 | Ni wn i ddim am bwy yr wyt ti'n fy nghymryd. |
| (0, 2) 137 | Dyna air caled i mi heb achos. |
| (0, 2) 138 | Os drwg dy sut wyt ti, beth a allaf i wrth hynny? |
| (0, 2) 142 | Pwy roes ergyd i ti? |
| (0, 2) 144 | [Nid adwaen i monot wrth d'olwg.] |
| (0, 2) 146 | Peth rhyfedd fyddai fy mod yn gwneud hynny ac heb wybod dim am y peth. |
| (0, 2) 147 | Beth? |
| (0, 2) 150 | [Ar fy ngair, pa beth yw hynny i mi?] |
| (0, 2) 152 | 'Rwy'n golchi fy nwylo mewn diniweidrwydd, fel un na ŵyr ddim am y peth. |
| (0, 2) 155 | [Pwy a barodd iti fenthyg arian ar lôg? |
| (0, 2) 156 | Bellach, dyma'r cyfiawn dâl i ti. |
| (0, 2) 157 | Ni ŵyr f'arian i ddim amdanat ti na minnau, ac ni dderbyniant wyneb neb. |
| (0, 2) 158 | Amser wedi mynd heibio, dydd wedi darfod—dwg dy gŵyn yn eu herbyn hwy.] |
| (0, 2) 165 | Aros, wraig, drwg yr wyt ti'n deall y peth a ddywedi; nid o ddrwg ewyllys yn erbyn dy ŵr y bu hyn; ystyriwyd y cwbl yn llawn ac yn deg cyn rhoi cyfraith arno. |
| (0, 2) 166 | Arian, fel pob masnach arall, y mae arian dan gytundeb a thegwch. |
| (0, 2) 171 | Yr wyt yn cablu fel ynfytyn noeth! |
| (0, 2) 172 | Ni wn i pam yr wyf yn aros yma. |
| (0, 2) 173 | Dywed paham y mae dy barch i arian mor brin pryd y byddai yntau'n beth mor ddwyfol i ti! |
| (0, 2) 174 | Wrth fwrw dirmyg arno cyffelyb wyt i'r cadno a'r grawn surion; a'r sawl a ddifenwo unpeth yn ei gefn, ni chaiff hwnnw neb a'i credo ar ei air. |
| (0, 2) 177 | Cymer y ddysg hon gennyf i—gŵr doeth a dyrchafedig oedd y sawl a ddyfeisiodd arian i ni, oherwydd drwy hynny, yn lle rhyw gyfnewid pethau a rhyw fan-werthu salw, daeth ein byd ni i gyd i gyflwr uwch, a dyfod pob dyn yn ei gylch ei hun yn ddioed yn debyg i ryw Dduw bychan, [fel y gallo yn ei ffordd gynhyrchu ac achosi llawer o bethau]. |
| (0, 2) 178 | Daw i feddu llawer iawn drwy hyn, ac heb na thynnu sylw na chodi sŵn, i reoli llawer mil o ddwylaw, a bod mewn gwirionedd yn llywodraethwr. |
| (0, 2) 179 | Ni bydd dim yn rhy uchel na rhy ddiogel na ellir ei brynu am arian. |
| (0, 2) 180 | Ti elli brynu'r tir a'r gwas ynghyd, a hyd yn oed awdurdod ysgrifenedig y brenin, peth amhrisiadwy bob amser, a pheth a gysegrwyd gan Iesu Grist ei hun; a hyd yn oed o hynny oll, ymhobman, bob amser, ti elli am arian brynu rhan. |
| (0, 2) 181 | Ac ni wn i am un awdurdod tros ben honno; o'i blaen hi bydd raid i bawb blygu, a thalu parch i'r petb sydd yn fy llaw i yma. |
| (0, 2) 183 | Myfi, rhoi parch yr wyf i lle'r haeddir parch, ac nid cablu lle bynnag y gwelwyf fod gallu. |
| (0, 2) 193 | Er fy mwyn i, dos ar eu holau, ac edrych yn ddistaw at y peth. |
| (0, 2) 194 | Aed y gŵr i'r carchar, ni thâl poeni dim erddo ef; am y wraig, mi atebaf am gysgod iddi, ac am y peth a fo rhaid iddi at fyw, a'r plant i'w chanlyn, mi a'i rhof iddynt. |
| (0, 2) 195 | Caiff y goruchwyliwr ofalu drosof am hynny, a gwneud ystafell yn barod iddynt; eto, mynnwn fod heb glywed eu llefain na gwybod eu hangen na'u cwyn. |
| (0, 2) 196 | Y mae hyn yn beth blin ddireswm—dyn yn byw'n dawel iddo'i hun, heb un amcan drwg yn wir yn ei feddwl, ac yn sydyn ar y dydd brafiaf fu erioed, ei lusgo fel hyn heb yn wybod iddo sut, i ganol ymryson, chwerwder a chwynfan, a'i fwrw allan o'i dawelwch. |
| (0, 2) 197 | 'Rwy'n gofyn i ti, pam y dylwn i ddyfod i mewn i beth fel hyn? |
| (0, 2) 198 | Pa beth sydd a wnelwyf i â helynt y taeog? |
| (0, 2) 199 | 'Tynnu ei hun i'r drwbl, ac yna dyfod yma i gwyno ac ochain, hynny oll, wrth gwrs, fel y daw'r naill droed ar ôl y llall. |
| (0, 2) 200 | Codi bwthyn ag arian benthyg; pwy bynnag a fynn dŷ felly, yr un fath y bydd hi arno. |
| (0, 2) 201 | [Dyna'r hanes er dyddiau Adda, nid rhywbeth newydd ddyfod yw. |
| (0, 2) 202 | Ac i ddibennu, mynnai fy ngosod i yn ei esgidiau, ac yntau yn fy nyled am dwr o arian, a bydd cost y chwarae'n disgyn ar hirymaros ac amynedd y gŵr trugarog nad oedd, yn ei olwg ef, ond diawl noeth!] |
| (0, 2) 203 | Ond bellach, a dywedyd y gwir yn blaen, nid oes arnaf i ryw lawer o awydd mynd i weled un ardd bleser, ac y mae hi eisoes yn tywyllu. |
| (0, 2) 204 | Gwna gymwynas eto â mi, fy nghydymaith, ar ôl iti orffen y llall,—dwg y tâl hwn i'r sawl piau, rhag bod i mi flinder oblegid esgeuluso. |
| (0, 2) 205 | Mi rof yr ardd bleser a'r tŷ pleser ynddi yn rhodd i'm meistres ar ben eì blwydd eto. |
| (0, 2) 208 | Llawer o ddiolch i ti, gydymaith da, mae awydd arnaf am brysuro yno—dyna'r unig fan yn y byd na bydd ynddo ddim yn andwyo fy mhleser; rhyw wynfyd cwbl baradwysaidd yw'r croeso parod a gaf ganddi hi. |
| (0, 2) 209 | Am hynny, f'ewyllys yw bod pa beth bynnag a ddygaf yn rhodd iddi hi yn dangos fy niolchgarwch iddi megis mewn drych. |
| (0, 2) 211 | Trefnais yr ardd gyda gofal, a bod tŷ pleser i fod yn ei chanol, a'r gwaith yn union wrth fy mryd fy hun, megis llwyfan agored, a cholofnau teg o faen yno, a dwfr yn neidio i'r awyr a delwau pres na bont yn ôl am un addurn; ac yno hefyd, gosod y gwelâu fel y bo arogleuon blodau o lawer math yn llenwi awel y bore a'r hwyr, lilîau, rhosynnau a lafant. |
| (0, 2) 212 | [Hefyd, mynnais drefnu bod yno lwybrau i bob cyfeiriad, a bwâu wedi eu plethu o fân geinciau'r coed a'r rheiny mor dewion fel y caffo dyn gysgod rhag y gwres a hyfrydwch yno ar ganol y dydd tecaf, lle ni wywo dim rhag y tes.] |
| (0, 2) 213 | At hynny, mewn rhyw lannerch gudd, megis gwely y ryw dduwies, mi fynnaf gael ystafell o faen llyfn caboledig, a bâdd ynddi. |
| (0, 2) 215 | Mi roddaf honno i'm hanwylyd, a'i harwain hithau yno gerfydd ei dwy law, fel y gwelo hi yn yr ardd fach werthfawr hon ei llun ei hunan megis mewn drych; [lle fydd hwn fydd yn fy llawn foddhau i bob amser, a thes a chysgod hyfryd yn fy llonni, a gardd fach dawel megis hon fydd dedwyddwch a golud y garddwr]. |
| (0, 2) 218 | Ni fynnwn ei hysgói hi, ond yn wir nid oes imi ond ychydig amser. |
| (0, 2) 219 | Dos di a dwg i mi'r dangosiad cymwys am yr arian, tra bwyf innau yn ei chyfarch hi. |
| (0, 3) 221 | Mae awel yr hwyr yn ddrwg ei naws, a'ch iechyd chwithau'n wan a bregus, fel na allaf beidio â phryderu wrth eich gweled yma. |
| (0, 3) 222 | Oni ddowch i mewn i'r tŷ? |
| (0, 3) 224 | Am heno ni all hynny fod. |
| (0, 3) 226 | Poeni yr wyf am eich iechyd chwi—hwyrach y caem ryw gyfle eto. |
| (0, 3) 233 | [Fy mam, nid gwawdio yw f'amcan i, ond mi wn mai hoff iawn gan yr offeiriaid fwgwth pobl; dyna'u hunig amcan yn y byd—lladd ar gyfoeth, os gennym ni y bydd, er mwyn ei gael at eu gwasanaeth eu hunain. |
| (0, 3) 234 | Gresyn yw meddwl na wnant ddim ond pwnio rhyw syniadau tywyll ym mhennau hen bobl a rhai afiach.] |
| (0, 3) 238 | [Yr ydym ni'n Gristnogion da, yn gwrando ar bregethau, yn rhoi elusennau, ac yn byw'n ddibriod.] |
| (0, 3) 241 | Nid wyf i eto brin ddeugain mlwydd oed, ac ni chaiff neb drwy orfod beri i mi beidio â'm pleserau daearol. |
| (0, 3) 243 | [Yr wyf yn ieuanc o galon ac yn iach drwodd a thro, a mynnaf fwynhau fy mywyd. |
| (0, 3) 244 | Fe ddaw'r amser yn ddigon buan pryd y bydd cymwys i mi edifarhau ac ymroddi.] |
| (0, 3) 246 | [Fy mam, diflas yw'r ymddiddan hwn i mi; dywedais eisoes nad oes gennyf heddiw mo'r egwyl.] |
| (0, 3) 248 | [Bryd arall, mi fyddaf yn ufudd iawn ac yn barod i'ch gwasanaethu.] |
| (0, 3) 252 | Pa beth— |
| (0, 3) 256 | [Fy mam, mi wn yr ystori hon yn dda.] |
| (0, 3) 258 | [Ni ddaeth yr amser i hynny eto.] |
| (0, 3) 260 | Nid wyf yn dywedyd nac ie na nage. |
| (0, 3) 262 | Daw dydd eto yfory. |
| (0, 3) 264 | Peidiwch â phoeni heb achos, fe'm gwelwch yn ŵr priod eto, yn sicr. |
| (0, 3) 266 | [Nid sôn yr oeddwn am heddiw nac yfory.] |
| (0, 3) 269 | Nos da, nos da, fy mam, gobeithio y cewch orffwyso'n dawel. |
| (0, 3) 274 | Fe glywaf innau adsain felly hefyd! |
| (0, 3) 275 | Ai rhyfeddod yw hynny, meddwch chwi? |
| (0, 3) 276 | O, na, peth a ddigwydd yn naturiol yw, er na wn i ddim ychwaith pa fodd i'w esbonio. |
| (0, 3) 277 | Ac yn awr, nid yn unig i'm clyw y daw, ond hefyd o flaen fy llygaid. |
| (0, 3) 279 | Ha, dyma hi, f'anwylyd, y mae fy nghalon eisoes yn hiraethu amdani. |
| (0, 3) 280 | Chwaryddion yn ei chanlyn yn llu a hithau'n dyfod i'm ceisio. |
| (0, 3) 282 | Y mae d'oleuni di yn drech na'r ffaglau oll, a'th eiriau'n bereiddiach na sain telyn. |
| (0, 3) 283 | Y mae hyn oll i mi yr awr hon fel balm i glwyf agored. |
| (0, 3) 285 | A roddi di gymaint o bris arnaf nes sylwi ar bethau felly? |
| (0, 3) 286 | Nid rhyw hen ddyn annymunol ydwyf iti felly, mewn gwirionedd? |
| (0, 3) 289 | Yr wyf yn wir yn teimlo'n ieuanc o galon ac o'm rhan fy hun yn ddigon tebyg i hogyn, ac os wyf wedi peidio â bod yn hogyn erbyn hyn, y mae fy nheimlad lawn |mor| dyner. |
| (0, 3) 292 | Pan goffaer dyn am angau, a'i fod yntau'n brudd ei fryd, bydd gweld d'anwyldeb di yn ddigon i chwalu'r meddyliau trymllyd. |
| (0, 3) 295 | F'anwylyd, a berais i boen i ti? |
| (0, 3) 296 | Gadawn iddi ymguddio dan y blodau; na boed i ni gofio dim yn y byd am un sarff, ond am ddwy yn cofleidio'n annwyl. |
| (0, 3) 298 | Dy freichiau annwyl di ydynt hwy, a mynnwn orwedd ynddynt. |
| (0, 4) 340 | Croeso i chwi bawb, a diolch i chwi heno am roddi arnaf yr anrhydedd olaf. |
| (0, 4) 344 | Rhywbeth yn dyfod dros wefus dyn heb yn wybod iddo! |
| (0, 4) 345 | Ond, y croeso gorau yn y byd i chwi bawb! |
| (0, 4) 351 | Pam y maent hwy yn eistedd bob un yn ei amdo! |
| (0, 4) 354 | Ha-ha! |
| (0, 4) 355 | Rhyw syniad gwrthun ar ddamwain! |
| (0, 4) 356 | Mi yfaf gwpanaid o win i glirio rhyw ddylni felly o'r ymennydd. |
| (0, 4) 359 | Ai yma y dylech chwi fod, bobl? |
| (0, 4) 360 | Yr ydych yn edrych yn union fel estroniaid i mi. |
| (0, 4) 365 | Ie, ie,... dim ond... ond yr oedd yn fy meddwl i gynneu, pan ddaethoch i mewn yma gyntaf, y gallswn eich prynu i gyd a'ch gwerthu wedi hynny hefyd, ac na buasai hynny'n fwy o beth i mi na phe bawn yn torri f'ewin. |
| (0, 4) 373 | Dy gosbi di, f'anwylyd? |
| (0, 4) 374 | Peth pell o'm meddwl i yw hynny—yr wy'n dy garu fel cannwyll fy llygad fy hun. |
| (0, 4) 375 | Rhaid fy mod yn rhyw feddwl ar ddamwain sut olwg fyddai arnat pe daethai'r newydd i ti yn sydyn gan rywun fod yn rhaid i mi farw yr awr hon. |
| (0, 4) 378 | Pe gofynnwn |
| (0, 4) 379 | A arhosi di gyda mi? |
| (0, 4) 380 | A fynni di fod gyda mi'r tu draw megis y tu yma? |
| (0, 4) 381 | A fynni di ddyfod i'm canlyn i'r fan draw, a chymryd rhan o'm gwely oer-fel-yr-ia? |
| (0, 4) 383 | Syrthit yn ddideimlad wrth fy nhraed, fel y byddai raid i minnau edifarhau am ofyn y fath beth? |
| (0, 4) 384 | Pe [ceisiwn gennyt ddyfod y ffordd honno, rhewai dy waed yn dy wythiennau; byddai'n artaith ddwbl i minnau, fel bustl a gwinegr ynghyd pe] bai raid i mi edrych a'm llygaid fy hun a gweld na thalai dy lw serchog ddim yn hwy, ac fel y gollyngai dy law fy llaw innau yn y diwedd, ac fel y tynnit dy wefusau oddi wrth fy ngwefusau i yn yr awr olaf! |
| (0, 4) 385 | O, gwae! |
| (0, 4) 392 | Dduw trugarog! |
| (0, 4) 447 | Byddwch lawen, geraint a chyfeillion hoff; nid oeddwn gynneu ddim yn teimlo'n rhyw dda iawn, ond erbyn hyn fe'm gwnaeth y ddiod eto'n iach. |
| (0, 4) 448 | Croeso i bawb ohonoch at fy mord gron. |
| (0, 4) 449 | 'Roedd rhywbeth megis yn pwyso ar fy mron, ond yn awr, dyma eto ddyblu pleser bywyd. |
| (0, 4) 450 | Dedwyddwch yw ein bod ni yma gyda'n gilydd—mae hynny i mi fel gwin gwir lawenydd. |
| (0, 4) 451 | Y mae fy nghalon yn fwy na llawn, ni wn i ddim yn wir pa beth a ddywedaf. |
| (0, 4) 452 | Peth gwerthfawr yw ein bywyd yn y byd, ysblennydd ydyw bywyd oll o'n hamgylch ni, Ie, serch a chyfeillgarwch, mawr yw eu gwerth, a'r sawl a'u caffo hwy, ni fynn ei galon fwy; [ac os ceir hefyd gân a gwin, llawenydd y tu hwnt i fesur fydd hynny]. |
| (0, 4) 453 | Gyfeillion hoff, 'rwyf yn eich caru yn wir; mwynhewch yr awr i'r eithaf oll; na boed eich gyddfau'n segur, doed cân allan, aed gwin i mewn, clymed eich lleisiau yn y gân, a phawb a'i goflaid ganddo'n dynn, [mwynhewch yr awr ddedwyddaf hon â chalon, gwefus, llygad, llaw!] |
| (0, 4) 454 | Na boed eisiau hir grefu arnoch, tyrd, dyro inni gân, fy annwyl gâr. |
| (0, 4) 470 | Ond pa sŵn clychau yw hwnyna? |
| (0, 4) 471 | 'Rwy'n meddwl nad arwydd da mono! |
| (0, 4) 472 | Sain groch a brawychus, yn gyrru ias a gloes drwy galon dyn! |
| (0, 4) 473 | Paham y cân y clychau ar yr awr hon? |
| (0, 4) 484 | ['Rwy'n erfyn na sonioch ddim mwy am y peth—ni chlywaf mono mwy, pob peth yn dda.] |
| (0, 4) 487 | Llawer o ddiolch, fy nghâr, ond gadewch hynny. |
| (0, 4) 494 | Fy Nuw! |
| (0, 4) 495 | Pwy sy'n galw arnaf? |
| (0, 4) 496 | O ble y gelwir arnaf? |
| (0, 4) 497 | Ni byddaf ddedwydd byth eto tra bwyf! |
| (0, 4) 502 | Dywed, fy nghyfaill, pwy sy'n galw "Pobun"' mor groch? |
| (0, 4) 504 | Na, na! |
| (0, 4) 505 | Sŵn ofnadwy, yn uchel ac yn gryf, nid yn ysgafn. |
| (0, 4) 506 | Fel hyn: "Pobun, Pobun!" ond yn uwch nag y gallwn i ei ddynwared. |
| (0, 4) 507 | Yn swnio'n ddieithr ac eto'n gynefin hefyd. |
| (0, 4) 508 | O ba uffernol fan y gallent fod yn galw arnaf? |
| (0, 4) 509 | Ni chaf i byth ddim cysur eto, na chaf! |
| (0, 4) 510 | Yna, yna, eto! |
| (0, 4) 511 | Clywch mor groch y maent yn galw "Pobun!" |
| (0, 4) 520 | Pan drof fy ngolwg atoch, daw fy nerth yn ôl i mi, [hynny yw, ni allai'r fath gri ddigwydd ddwywaith yma. |
| (0, 4) 521 | Gwna'r goleuni disglair les mawr i mi. |
| (0, 4) 522 | Eistedd yn f'ymyl yma, fy nghydymaith,] a boed i'r gwahoddedigion bawb gyrraedd at bethau a'u digoni eu hunain oll. |
| (0, 4) 523 | Yfory cymeraf gyfle i ymgynghori â meddyg, er mwyn cael gwared rhag y drybini yma cto. |
| (0, 5) 528 | Er mwyn Duw, dywed, fy nghariad, pam y llysg y golau mor wan? |
| (0, 5) 529 | A phwy sydd y tu cefn i mi yma? |
| (0, 5) 530 | Ni cherdd ar wyneb daear ei debyg o ddyn. |
| (0, 5) 535 | Paham y gofynni hynny yn awr? |
| (0, 5) 536 | A yw'n dy boeni di? |
| (0, 5) 537 | Pwy wyt? |
| (0, 5) 538 | Pa beth a fynni? |
| (0, 5) 540 | Sut? |
| (0, 5) 541 | Dy anfon ataf i? |
| (0, 5) 543 | Gallai hynny fod. |
| (0, 5) 544 | Gallai! |
| (0, 5) 545 | Fy nghydymaith da, fy meistres annwyl... |
| (0, 5) 549 | Pa beth a fyn fy Nuw gennyf i? |
| (0, 5) 552 | Nid wyf i mewn modd yn y byd yn barod i fedru rhoi cyfrif felly. |
| (0, 5) 553 | Pe bai raid i mi ei roi, fe fyddai'n helbul arnaf. |
| (0, 5) 554 | Nid adwaen i mohonot ychwaith—pa gennad ydwyt ti? |
| (0, 5) 560 | [Beth? |
| (0, 5) 561 | Nid oedi di ddjm amdanaf; a disgyn yr wyt ar ddyn heb rybudd yn y byd, a'i hoedl yntau ar ei gorau? |
| (0, 5) 562 | Gwaed Duw! |
| (0, 5) 563 | Nid chwarae teg mo hynny; ni chei di nemor glod erddo, canys fel yr wyf newydd ddywedyd, nid wyf i ddim yn barod; nid parod ychwaith mo'r llyfr cyfrif; pe cawn i eto ddeng mlynedd neu ddeuddeg, byddai'r llyfr mewn trefn gennyf, fel na byddai arnaf un ofn. |
| (0, 5) 564 | Mi wnawn hynny drwy gymorth Duw. |
| (0, 5) 565 | Gad lonydd imi, drwy drugaredd Dduw, gael imi roddi trefn ar amgylchiadau.] |
| (0, 5) 567 | O Dduw trugarog ar d'orsedd yn y nef, tosturia wrthyf yn fy nghyfyngder. |
| (0, 5) 568 | Oni chaf ar yr hynt hon ddim un i gyd-deithio â mi ond y sawl a ddanfonaist? |
| (0, 5) 569 | Ai rhaid i mi fynd o'r byd hwn heb un i'm tywys, mi, na byddwn yma byth ar fy mhen fy hun, ond y byddai raid i mi bob amser gael cymdeithion? |
| (0, 5) 573 | Felly yn wir y meddyliwn. |
| (0, 5) 576 | [Dim ond un diwrnod! Dim ond heno, hyd godiad haul, fel y gallwyf drwy edifarhau fynd i mewn i mi fy hun a gwrando ar ddysg yr offeiriad a'm gwneud fy hun yn well, fel y mynnit ti.] |
| (0, 5) 579 | Gwae fi, daeth amser wylo arnaf! |
| (0, 5) 581 | Gwae fi, pa beth a wnaf? |
| (0, 5) 582 | Pe na bai i mi ond rhyw orig fach yn rhydd i gael hyd i ryw gydymaith, fel na byddai raid i mi fod o flaen fy marnwr ar fy mhen fy hun yn unig. |
| (0, 5) 585 | Dim ond na bawn yn unig yn y farn honno! |
| (0, 5) 586 | Dim ond orig i gael ymddiddan a chyngor, er mwyn tosturi Crist! |
| (0, 6) 590 | F'annwyl gydymaith, fe wyddost, fe wyddost— |
| (0, 6) 596 | Llawer o ddiolch iti, f'annwyl gydymaith. |
| (0, 6) 598 | [Buost yn gyfaill da i mi erioed, cefais di bob amser yn ffyddlon.] |
| (0, 6) 601 | [Rhoed Duw, fy nghyfaill hoff, mai teilwng fwyf innau ohonot.] |
| (0, 6) 603 | Fy nghyfaill! |
| (0, 6) 610 | Nid wy'n poeni dim am bethau felly, Duw a'i gŵyr! |
| (0, 6) 612 | [Nac wyf, gyfaill, nac wyf! |
| (0, 6) 615 | [Na, annwyl gyfaill, gwrando arnaf] |
| (0, 6) 617 | Och! peth arall sy'n fy mhoeni i, [peth llawer nes,] fy nghyfaill annwyl. |
| (0, 6) 619 | [Ie, tydi, fy nghyfaill.] |
| (0, 6) 622 | [Och fi! peth chwerw fyddai hynny.] |
| (0, 6) 625 | [Pe tywalltwn fy nghalon allan i ti ac i tithau droi dy gefn arnaf a digio wrth fy ngeiriau, yna byddai imi gymaint ddengwaith o flinder a gwae!] |
| (0, 6) 627 | [Taled Duw i ti.] |
| (0, 6) 628 | Gorchmynnwyd i mi fynd ymaith. |
| (0, 6) 629 | Y mae'r ffordd yn bell a llawn blinder; a pha beth wedyn? |
| (0, 6) 630 | [Rhaid i mi roi cyfrif o'm cyfoeth a'm holl fywyd, ger bron fy lluniwr a'm barnwr goruchaf!] |
| (0, 6) 631 | Am hynny, dyred gyda mi, fy nghydymaith ffyddlon, fel yr addewaist eisoes. |
| (0, 6) 635 | O, dydi!] |
| (0, 6) 637 | Beth! |
| (0, 6) 638 | Dywedaist wrthyf eisoes na throit mo'th gefn arnaf nac yn fyw nac yn farw, hyd yn oed ped ai'r ffordd ar ei hunion i uffern. |
| (0, 6) 643 | Ni ddoem yma mwy. |
| (0, 6) 644 | Ni ddoem mwy hyd ddydd barn. |
| (0, 6) 647 | Nid ei di? |
| (0, 6) 652 | Yn enw Duw! |
| (0, 6) 653 | Peth arall a addewaist i mi! |
| (0, 6) 658 | O, gyfaill, os gallaf eto d'alw di felly. |
| (0, 6) 660 | 'Rwy'n erfyn arnat, gwna gymaint â hynny er mwyn tosturi Crist, a dyred i'm canlyn hyd at borth y ddinas. |
| (0, 6) 666 | [{gan roi cam ar ei ôl.} |
| (0, 6) 667 | I ble'r ei, fy nghyfaill? |
| (0, 6) 668 | A adewi di fi yn llwyr?] |
| (0, 6) 671 | Da boch, fy nghyfaill, y mae fy nghalon yn friw o'th achos di. |
| (0, 6) 672 | Da boch bob pryd, ni welaf i monot fyth eto. |
| (0, 7) 677 | [Gwae fi! |
| (0, 7) 678 | I ba le'n y byd y trof yn awr am borth?] |
| (0, 7) 679 | Tra fum lawen, bu yntau'n gyfaill i mi, [bellach, bychan yw ei ofid ef o'm plegid i.] |
| (0, 7) 680 | Mi glywais fyth a hefyd ddywedyd [peth na ddaeth yn agos at fy mhrofiad i nes digwydd i mi heddiw—dyma hwnnw:] |
| (0, 7) 681 | Tra bo lwc i ddyn bydd iddo gyfeillion lawer, ond pan dry ei lwc ei chefn arno, fe'i gad y cwbl yntau. |
| (0, 7) 682 | Gwae fi, mi welaf hynny'n awr, [ac yr wyf yn mygu gan ing a dychryn.] |
| (0, 7) 684 | Dacw fy ngheraint yn sefyll yna, fy nghefndryd caredig, sefwch yn agos ataf. |
| (0, 7) 685 | [Yr ydych yn wir yn eich union le. |
| (0, 7) 686 | Ni wn i am well gair yn y byd na hwnnw. |
| (0, 7) 687 | "Mae gwaed yn dewach na dŵr"—fe'i profir gennych heddiw'n llwyr,] a chwithau, yn fy nghyfyngder, yn rhoi i mi gymorth llaw a genau. |
| (0, 7) 690 | Ni adewch chwi monof ychwaith— |
| (0, 7) 696 | O, llawer o ddiolch i chwi, fy ngheraint. |
| (0, 7) 698 | Fe welsoch ddyfod cennad ataf ar orchymyn brenin galluog. |
| (0, 7) 702 | Gorchmynnodd i mi gymryd taith. |
| (0, 7) 704 | [O'r daith hon...] |
| (0, 7) 706 | O'r daith hon, mi wn yn dda, ni ddof i byth yn f'ôl. |
| (0, 7) 709 | [Fy ngheraint, a glywsoch chwi pa beth a ddywedais?] |
| (0, 7) 712 | [Ni welir monof byth yn f'ôl.] |
| (0, 7) 714 | [Myfi?] |
| (0, 7) 716 | [A ddarfu i mi?] |
| (0, 7) 722 | Fy ngheraint, aroswch, gwrandewch arnaf! |
| (0, 7) 725 | Bydd raid i mi roddi cyfrif yno, [ac y mae gelyn i mi, a bydd hwnnw ar fy ffordd yn rymus iawn o hyd. |
| (0, 7) 726 | O, gwrandewch arnaf!] |
| (0, 7) 728 | Cyfrif o'm holl weithredoedd ar y ddaear. |
| (0, 7) 729 | [Y modd y treuliais fy nyddiau, a pha beth a wneuthum yn fy nigofaint, ar hyd y flwyddyn, ddydd a nos;] am hynny, er mwyn Crist, da chwi, rhowch gymorth i mi amddiffyn f'achos. |
| (0, 7) 735 | [Och na bawn heb fy ngeni! |
| (0, 7) 736 | Ni byddaf ddedwydd byth mwy, os gadewch fi fel hyn!] |
| (0, 7) 743 | Fy nghâr, oni ddeui di gyda mi? |
| (0, 7) 750 | [Na, dangos i mi beth yn wir yw dy feddwl, a ddoi di gyda mi ai aros yma, dyna'r cwbl y mynnwn ei wybod.] |
| (0, 7) 753 | [Och Iesu, ai dyna ddiwedd pob peth? |
| (0, 7) 754 | Addawsant lawer i mi'n rhwydd, ond wedi'r cwbl, torri eu gair.] |
| (0, 8) 759 | [Taeogion, pa beth fyddent i mi pe cymerwn hwy i'm canlyn—ni byddai hynny ond cymorth prin. |
| (0, 8) 761 | A yw'r wledd lawen drosodd a phawb wedi mynd o'r neuadd?] |
| (0, 8) 765 | Onid erys un cymorth arall i mi ynteu, ai un colledig ydwyf innau? |
| (0, 8) 766 | Ac yn gwbl unig yn y byd, ai dyna fel y mae hi arnaf eisoes? |
| (0, 8) 767 | [A barodd Ef eisoes fy mod yn noeth ac heb ddim gallu,] fel pe bawn eisoes yn gorwedd yn fy medd, a minnau a'm gwaed eto'n gynnes, fy nhaeogion eto'n ufudd i mi, a thai a thrysorau eto'n eiddo i mi? |
| (0, 8) 768 | Hai! caned y clychau—-alarwm ynteu, chwithau daeogion, peidiwch ag ystelcian yn y tŷ, dowch allan ataf oll. |
| (0, 8) 770 | Rhaid i mi fynd ar daith ar frys, a hynny nid mewn cerbyd ond ar droed. |
| (0, 8) 771 | Doed fy holl weision gyda mi, dyger fy nghist arian yma, bydd y daith megis ymgyrch byddin, ac felly bydd yn rhaid i mi gael fy nhrysorau i'm canlyn. |
| (0, 8) 773 | Ie, rhag blaen, heb lawer o siarad. |
| (0, 8) 775 | Gelwais arnoch ar gyfer taith, a bydd raid i bob un fod yn ufudd i mi. |
| (0, 8) 776 | Taith ddieithr a phell iawn fydd hi, yn gofyn am bobl ffyddlon; [rhaid cymryd y daith hon mewn distawrwydd llwyr, ac yr wyf yn ymddiried ynoch am hyn oll.] |
| (0, 8) 779 | Yn awr, cychwynnwn i'r daith yn dawel iawn, heb yn wybod i neb. |
| (0, 9) 788 | Och, Dduw, faint f'arswyd rhag Angau! |
| (0, 9) 789 | Tyrr chwys oer drosof, ac y mae'r ing fel pe bai'n lladd yr enaid yn y corff—pa beth ynteu a ddigwyddodd i mi ar drawiad? |
| (0, 9) 790 | [Bob amser, ar ryw oriau gwaeth na'i gilydd, hyd yma cefais hyd i ryw gysur; ni'm llwyr adawyd i erioed, yn ddim ond rhyw ynfytyn truan tlawd; ni bûm erioed lle ni fedrwn sefyll a throi yn f'ôl pan fynnwn.] |
| (0, 9) 791 | A ddarfu am fy ngallu yn llwyr, a gymysgwyd fy meddwl fel mai prin y gallaf atgofio pethau bellach? |
| (0, 9) 792 | Pwy ydwyf ynteu, ai Pobun, y Pobun cyfoethog o hyd? |
| (0, 9) 793 | Dyma fy llaw, dyma fy ngwisg, a'r peth sydd eto yn y fan yma, hynny yw f'arian a'm trysor, drwyddynt hwy gynt, mi fyddwn bob amser yn cael popeth fel y mynnwn. |
| (0, 9) 794 | Yn awr, mi fyddaf yn well wrth ei weled yma yn ymyl fy llaw yn fy helbul. |
| (0, 9) 795 | [Os gallaf ddal ati felly, ni ddaw nac arswyd nac ing arnaf. |
| (0, 9) 796 | Ond gwae fi, rhaid i mi fynd oddi yma—daw hynny'n ebrwydd i'm cof. |
| (0, 9) 797 | Daeth y gennad, rhoed y wŷs, bellach rhaid mynd oddi yma. |
| (0, 9) 799 | Nid hebot ti!] rhaid i ti ddyfod i'm canlyn, ni'th adawn i ar f'ôl er dim; rhaid dy gael di eto mewn tŷ arall. |
| (0, 9) 800 | Am hynny, i fyny â thi ac allan rhag blaen! |
| (0, 9) 805 | Pwy wyt ti, ynteu? |
| (0, 9) 809 | Nid ymddengys dy wyneb i mi cystal, ni rydd ddim bodlonrwydd, yn wir. |
| (0, 9) 810 | Ond nid yw hynny nac yma nac acw, rhaid i ti ddyfod i'm canlyn. |
| (0, 9) 813 | Fel arall y mae'r amgylchiadau. |
| (0, 9) 814 | Gyrrwyd amdanaf o ryw le arall. |
| (0, 9) 817 | Ie, ie! daeth cennad ataf. |
| (0, 9) 826 | Ac fe ddoi gyda mi, oni ddoi? |
| (0, 9) 828 | Eiddof i wyt, fy meddiant a'm da. |
| (0, 9) 831 | A wrthryfeli dithau, y felltith, y teclyn! |
| (0, 9) 838 | Buost at fy ngalwad i. |
| (0, 9) 840 | [Buost was i mi i mewn ac allan.] |
| (0, 9) 842 | Gwas i mi, caethwas i mi oeddit, |
| (0, 9) 844 | [Gennyf i yn unig yr oedd hawl i ymhel â thi.] |
| (0, 10) 865 | Roeddwn yn meddwl bod rhywun yn galw. |
| (0, 10) 866 | [Llais gwan ac eto'n gwbl glir.] |
| (0, 10) 867 | Rhoed Duw nad llais fy mam ydoedd. |
| (0, 10) 868 | [Y mae hi druan yn hen wraig fethiantus, mynnwn ei harbed rhag yr olwg hon. |
| (0, 10) 869 | O, cymer gymaint â bynny o drugaredd arnaf; gad nad fy mam fo hi!] |
| (0, 10) 871 | [Boed y neb y bo, nid oes i mi ddim egwyl at helynt na diflastod y byd bellach.] |
| (0, 10) 873 | Benyw glaf yw hi; ni waeth gennyf i—edryched ati ei hun. |
| (0, 10) 875 | Pa fodd y gall hynny fod? |
| (0, 10) 878 | [Na'm gwatwar i, yr wyf ar farw.] |
| (0, 10) 880 | [Ni wnawn i mo hynny o'm bodd.] |
| (0, 10) 881 | Ni fynnwn eto weled fy ngweithredoedd, [ni byddai edrych arnynt wrth fy modd.] |
| (0, 10) 883 | [Nid rhaid wrth wendid arall yma, ac arnaf innau ddigon o ing ac artaith eisoes.] |
| (0, 10) 886 | Er hynny, ar fy mhen fy hun y bydd raid i mi fyned. |
| (0, 10) 891 | O, fy ngweithredoedd, y mae hi'n galed arnaf. |
| (0, 10) 892 | Y mae arnaf fawr angen cyngor da a chynorthwy. |
| (0, 10) 896 | A fynni di ddyfod gyda mi? |
| (0, 10) 900 | Wrth dy weled yn edrych arnaf yn hiraethus, tebyg gennyf na bu yn f'einioes i na chyfaill na chariad, na gwraig na gŵr a edrychai arnaf fel yna! |
| (0, 10) 902 | [Gwelw a threuliedig yw dy wedd, ac eto 'rwy'n meddwl ei bod yn llawn tegwch; po fwyaf yr edrychwyf arnat, mwyaf y gwae yn fy nghalon, ond bod hwnnw'n gymysg â rhyw dynerwch, fel na wn i ddim pa beth a wnaf. |
| (0, 10) 903 | Mi dybiwn pe gallai goleuni dy lygaid ti dreiddio i mewn drwy fy llygaid i, y digwyddai dirfawr lanhad a bendith i druan tlawd. |
| (0, 10) 904 | Eto, gwn na ellir hynny mwy, ac nad yw bellach onid megis breuddwyd.] |
| (0, 10) 908 | [Ac nid adnabûm innau monot, mor ddall oedd fy ngolwg! |
| (0, 10) 909 | Gwae ni! pa fath greaduriaid ydym ni gan fod y fath bethau'n digwydd i ni!] |
| (0, 10) 912 | [O! pe gallwn dynnu'r ddau lygad allan, ni byddai'r tywyllwch mor arswydus i mi ag yw'r gofid chwerw a dynnodd fy llygaid ffeilsion arnaf ar hyd foes.] |
| (0, 10) 915 | [Y mae syched poeth eisoes yn rhedeg drwy fy holl wythiennau, a gwanc ymhob synnwyr! |
| (0, 10) 916 | Dyna gyflog fy mywyd i!] |
| (0, 10) 920 | Deued i'm rhan beidio â bod byth bythoedd! |
| (0, 10) 921 | Onid yw pob gronyn ohonof yn awr yn llefain gan ddwfn edifeirwch a gwae gwyllt! |
| (0, 10) 922 | Mynd yn f'ôl! ac ni allaf! |
| (0, 10) 923 | Dim ond un cynnig eto! |
| (0, 10) 924 | Ond ni ddaw hwnnw ddim. |
| (0, 10) 925 | Dychryn a gloes! |
| (0, 10) 926 | Yn y byd hwn ni cheir byw ond unwaith, yn y byd hwn ni cheir byw ond unwaith! |
| (0, 10) 927 | [Gwn bellach beth yw'r gwae sy'n rhwygo'r fron, ac ni wybûm erioed o'r blaen beth y dichon y gair hwn ei feddwl. |
| (0, 10) 929 | Dod dy hun i lawr yma a bydd farw, dyma dy ddydd!] |
| (0, 10) 935 | [Am bopeth fe geir tâl, yn wir! |
| (0, 10) 936 | O, Weithredoedd, er mwyn pob peth, na'm gad i'm trybini! |
| (0, 10) 937 | Colledig fyddwn felly yn ddiau. |
| (0, 10) 938 | Dod gymorth i mi roi cyfrif ger ei fron Ef sydd Arglwydd ar Angau a Bywyd, a Brenin yn dragywydd, ac onid e colledig fyddaf byth!] |
| (0, 10) 940 | [Na'm gad yn ddigyngor.] |
| (0, 10) 943 | Galw arni heb oedi, y mae'r amser yn ehedeg ymaith, |
| (0, 10) 945 | [Pe bai dyn heb dafod, fe'i gwnai ing ac angen yn hyawdl.] |
| (0, 11) 953 | 'Rwy'n credu, yn credu. |
| (0, 11) 955 | O, trugarhaed Duw! |
| (0, 11) 956 | 'Rwy'n credu'n gadarn yn efengyl Iesu Grist, a ddysgwyd i mi wrth liniau fy mam. |
| (0, 11) 957 | Credaf fod popeth sydd ynddynt hwy yn wir a sanctaidd oll. |
| (0, 11) 958 | Rwy'n credu, 'rwy'n credu. |
| (0, 11) 962 | [Credaf yn amynedd Duw, od edifarhao neb mewn pryd; ond bum i mewn pechod yn rhy hir fel nad oes i mi yma drugaredd.] |
| (0, 11) 965 | Credaf— |
| (0, 11) 967 | Credaf! |
| (0, 11) 968 | Felly y gwnaeth Ff, dileodd ddigofaint y Tad, gan ennill tragwyddol iachâd i ddynion, a marw ei Hun dros hynny ar y grog. |
| (0, 11) 969 | Eto mi wn na bydd hynny les onid i'r sawl a fo sanctaidd a da; drwy weithredoedd da a dyhewyd y pryn Ef fywyd tragwyddol. |
| (0, 11) 970 | Ond gwelwch, dyma fy ngweithredoedd i: y mae fy mhechodau yn un mynydd mor drwm yn gorwedd arnaf fel na all Duw roi gras i mi, gan mai efô yw'r perffaith gyfiawn. |
| (0, 11) 972 | Ofnadwy yw cosb Duw! |
| (0, 11) 974 | Tarawodd Pharao, tarawodd Sodom a Gomorra, tarawodd, tarawodd! |
| (0, 11) 978 | O, y mae deiriau'n dyner; yr wyf fel pe'm ail-enid. |
| (0, 11) 979 | Credaf, cyhyd ag yr anadlaf ar y ddaear, y byddaf gadwedig drwy Grist. |
| (0, 11) 982 | [Pa le y mae ffynnon gysegredig fel y gallwyf fynd yno'n ddi-oed?] |
| (0, 11) 987 | [{Ar ei liniau.} |
| (0, 11) 988 | O, Dduw tragywydd! |
| (0, 11) 989 | O, ddwyfol wedd! |
| (0, 11) 990 | O, union Ffordd! |
| (0, 11) 991 | O, oleuni nefol! |
| (0, 11) 992 | Yma y llefaf arnat yn fy olaf awr; llef un truan a ddaw o'm genaui. |
| (0, 11) 993 | O, fy Ngwaredwr, erfyn di ar i'm Crewr fod yn rasol tuag ataf ar y diwedd, pan ddêl y gelyn uffernol yn agos ataf, a phan wasgo angau creulon fy ngwddf hyd oni'm tago, erfyn ar iddo Ef arwain f'enaid fry. |
| (0, 11) 994 | A phar, O, Waredwr, drwy d'eiriolaeth dy hun, fy ngosod i ar ei ddeheulaw Ef, i fyned gydag Ef i'w ogoniant. |
| (0, 11) 995 | Gwrando ar fy ngweddi gan ddarfod iti drengi ar y Grog a phrynu'n heneidiau ni.] |
| (0, 13) 1019 | [O, fy ngweithredoedd, wrth glywed eich llais, ni allwn nad wylwn innau o lawenydd.] |
| (0, 13) 1021 | [Am hynny ni cheisiaf i nac oedi nacaros.] |
| (0, 13) 1022 | Chwi, gyfeillion, gyda'n gilydd yr awn, ac oddi wrthych chwi nid af i mwy. |
| (0, 14) 1121 | Weithion, rhowch i mi yn ffyddlon eich dwylaw, cefais y cymun Sanct. |
| (0, 14) 1122 | [Bendigedig a fo'r sawl a barodd i mi hyn ac a roes i mi hefyd gyngor da. |
| (0, 14) 1123 | Bellach, boed diolch i chwi am aros mor ofalus amdanaf gyda gweddïau dyfal.] |
| (0, 14) 1124 | Ac weithian, gadewch i ni gychwyn ar y daith. |
| (0, 14) 1125 | Doded pawb ei law ar y ffon hon a chanlyned fi i'm bedd. |
| (0, 14) 1132 | Weithion, rhaid i mi fynd i'r bedd, sydd cyn ddued â'r nos. |
| (0, 14) 1133 | Trugarha wrthyf yn dy holl-allu, Arglwydd! |
| (0, 14) 1136 | O Arglwydd Waredwr, aros gyda mi, arnat y galwaf am drugaredd. |
| (0, 14) 1139 | [{Yn y bedd fel na weler onid ei ben a'i ysgwyddau.} |
| (0, 14) 1140 | Gan iti fy mhrynu'n rhydd, cadw eto f'enaid fel nas coller ac fel yr esgynno atat Ti yn y dydd diweddaf gyda theulu'r gwaredigion.] |