Stydi yn nhŷ BOTHA. Ffenestr ffrengig ar y chwith yn arwain i'r balcon a'r ardd. Drws y tu ôl ychydig i'r dde o'r canol: dealler fod hwnnw'n arwain i'r gweddill o'r tŷ ac allan. Mae'r ystafell wedi ei dodrefnu'n chwaethus a dylid cael awgrym neu ddau mai yn Ne Affrig y mae: e.e. tarian o groen a dwy waywffon, a chroen llewpart ar y mur. Rhaid wrth ddesg, ychydig i'r chwith o ganol y llwyfan. Ar y ddesg mae teliffôn, dogfennau, llyfrau, a Beibl mawr teuluol.
AMSER: Y presennol.
Act I. Rhyw brynhawn.
Act II. Golygfa I—Gyda'r nos drannoeth.
Act II. Golygfa II—Ychydig funudau yn ddiweddarach.
Act III. Rhyw chwarter awr yn ddiweddarach.