| |
|---|
Pobun
|
[Gwae fi! I ba le'n y byd y trof yn awr am borth?] Tra fum lawen, bu yntau'n gyfaill i mi, [bellach, bychan yw ei ofid ef o'm plegid i.] Mi glywais fyth a hefyd ddywedyd [peth na ddaeth yn agos at fy mhrofiad i nes digwydd i mi heddiw—dyma hwnnw:] Tra bo lwc i ddyn bydd iddo gyfeillion lawer, ond pan dry ei lwc ei chefn arno, fe'i gad y cwbl yntau. Gwae fi, mi welaf hynny'n awr, [ac yr wyf yn mygu gan ing a dychryn.] (Gwel ei geraint yn sefyll ger llaw, a siriola'i wyneb ychydig.) Dacw fy ngheraint yn sefyll yna, fy nghefndryd caredig, sefwch yn agos ataf. [Yr ydych yn wir yn eich union le. Ni wn i am well gair yn y byd na hwnnw. "Mae gwaed yn dewach na dŵr"—fe'i profir gennych heddiw'n llwyr,] a chwithau, yn fy nghyfyngder, yn rhoi i mi gymorth llaw a genau.
|
Car Tew
|
Gan bwyll, fy nghâr Pobun. Os gwrandewi arnaf i, dim ond un gair—gan bwyll!
|
Pobun
|
Ni adewch chwi monof ychwaith—
|
Car Tew
|
Dim ond gan bwyll. Nid am adael y mae'r sôn—cywilydd i mi fyddai'ch gadael mewn trybini,
|
Car Tenau
|
Digwydded i chwi ai da ai drwg, cymerwn ein dau ein rhan gyda chwi.
|
Car Tew
|
[Cymerwn, fel y dywedwyd, ynwir! Gwelwch ein bod yn ffyddlon i chwi.]
|
Pobun
|
O, llawer o ddiolch i chwi, fy ngheraint.
|
Car Tew
|
Perthynasau ydym ni!
|
Pobun
|
Fe welsoch ddyfod cennad ataf ar orchymyn brenin galluog.
|
Car Tew
|
[Do... Mi wn, Pobun... Felly y bu, ond nid wyf i'n deall y cwbl!]
|
Pobun
|
Gorchmynnodd i mi gymryd taith.
|
Car Tew
|
[Ie, fel y dywedwyd—]
|
Pobun
|
[O'r daith hon...]
|
Car Tew
|
[Ie, fel y dywedwyd eisoes, "Mae gwaed yn dewach na dŵr."]
|
Pobun
|
O'r daith hon, mi wn yn dda, ni ddof i byth yn f'ôl.
|
Car Tew
|
[Ha, byth? Yn siwr, lle ni bo dim byd, yno bydd hawl y brenin wedi colli.]
|
Pobun
|
[Fy ngheraint, a glywsoch chwi pa beth a ddywedais?]
|
Car Tew
|
[Nid wrth glustiau byddar yr oeddych yn llefaru.]
|
Car Tenau
|
[Ha, nage'n wir, myn fy ffydd!]
|
Pobun
|
[Ni welir monof byth yn f'ôl.]
|
Car Tew
|
[Ai sicr gennych i chwi ddeall y gennad yn iawn?]
|
Pobun
|
[Myfi?]
|
Car Tew
|
[Y geiriau a'u hystyr, a ddeallsoch chwi'r cwbl yn iawn?]
|
Pobun
|
[A ddarfu i mi?]
|
Car Tew
|
Hynny yw, meddaf i—rhyw ymwelwr heb ei eisiau ydoedd? H'm, gâr!
|
Car Tenau
|
Ie, feddyliwn i, trueni am hynny.
|
Car Tew
|
Felly'r ydych yn barnu megis finnau? Ie, fel y dywedwyd, ie, Duw'n rhwydd gyda thi, fy nghâr, Pobun, dyna i chwi'r cwbl sy gennyf i i'w ddywedyd.
|
Pobun
|
Fy ngheraint, aroswch, gwrandewch arnaf!
|
Car Tew
|
[Ond odid nad oes i ti ryw ddymuniad arall? Siarad yn eglur, y câr.]
|
Pobun
|
Bydd raid i mi roddi cyfrif yno, [ac y mae gelyn i mi, a bydd hwnnw ar fy ffordd yn rymus iawn o hyd. O, gwrandewch arnaf!]
|
Car Tew
|
Pa fath gyfrif, dywed?
|
Pobun
|
Cyfrif o'm holl weithredoedd ar y ddaear. [Y modd y treuliais fy nyddiau, a pha beth a wneuthum yn fy nigofaint, ar hyd y flwyddyn, ddydd a nos;] am hynny, er mwyn Crist, da chwi, rhowch gymorth i mi amddiffyn f'achos.
|
Car Tew
|
[Beth? Y tu draw? Ai dyna fel y mae hi? Na, Pobun, nid af i yno, ac ni'm cei i i'th ganlyn! Byddai well gennyf fod mewn tywyllwch ar fara a dŵr am ddeng mlynedd!]
|
Pobun
|
[Och na bawn heb fy ngeni! Ni byddaf ddedwydd byth mwy, os gadewch fi fel hyn!]
|
Car Tew
|
Hai, ŵr! Beth sydd? Cymer galon, ddyn, a phaid â dechrau cwyno! Ond rhaid iti adael i mi ddywedyd hyn—ni ddygi di monof i unwaith ar hyd y llwybr yna.
|
|
 ymaith.
|
Pobun
|
(Wrth y Car Tenau.) Fy nghâr, oni ddeui di gyda mi?
|
Car Tenau
|
Duw annwyl! Y mae cwlwm gwythi yn fy nhroed, peth blin gynddeiriog, Pobun—bydd yn digwydd i mi'n sydyn iawn.
|
Car Tew
|
[(Gan aros ennyd a dywedyd dros ei ysgwydd.) Ni elli di mo'n hudo ni, gad hynny heibio, ond y mae i mi enethig lân adref sy'n awyddus dros ben am deithio. Pe bai honno wrth dy fodd, fe'i rhoddwn iti o ewyllys da. Efallai yr ai hi gyda thi i'r daith.]
|
Pobun
|
[Na, dangos i mi beth yn wir yw dy feddwl, a ddoi di gyda mi ai aros yma, dyna'r cwbl y mynnwn ei wybod.]
|
Car Tew
|
Aros yma, a dymuno pob da i tithau!
|
|
Ânt ymaith.
|
Pobun
|
[Och Iesu, ai dyna ddiwedd pob peth? Addawsant lawer i mi'n rhwydd, ond wedi'r cwbl, torri eu gair.]
|
Car Tenau
|
[(Gan droi unwaith eto at Pobun.) Nid yw'n arferiad gofyn i bobl fynd i ganlyn rhywun ar daith yn y fath fodd; nid yw'r fath beth yn gymwys nac yn iawn, yn ôl fy meddwl i. Y mae gennyt ddigon o daeogion a chennyt hawl i alw arnynt, ond y mae mwy o werth na hynny ar d'annwyl geraint.]
|
|
[Â ymaith.]
|