| |
|---|
Gwas 1
|
Paham y sefwch, meistres, yma? Pa beth y sydd arnoch, a ydych ddim yn teimlo'n dda? A fynnech fynd adref i'ch gwely yn lle mynd mor gynnar i'r offeren?
|
Mam Pobun
|
A ydym ni ynteu mor hwyr? A ydyw'r offeren wedi dechrau eisoes? Mi glywaf hefyd seiniau gogoneddus, fel pe bai'r angylion oll yn canu!
|
Gwas 1
|
Nid ydym yn hwyr o gwbl, ac ni chlywaf i ddim, nac uchel nac isel.
|
Mam Pobun
|
Yr wyf i'n ei glywed a gwn yn fy nghalon mai canu nefol yw, canant ger bron gorsedd Dduw. Oblegid fy annwyl fab y canant, yr wyf yn teimlo bod ei enaid wedi ei iachâu yn yr awr dywyll hon o'r nos. [Cymodwyd ef â'r Arglwydd Dduw, am hynny, marw a allaf innau yn ddedwydd a pharod. Gwrandawyd ar fy ngweddi fawr,] a gwn fy mod yn mynd fy hun ger bron gorsedd fy Nghrewr, ac y caf yno fy mab annwyl. Ar fyr y gollyngi dy wasanaethferch i mewn i'th lawenydd fry. Amen.
|
Gwas 1
|
Oni ddeuwch chwi, meistres? Y mae'r amser yn mynd, y mae'r wawr yn torri eisoes.
|
|
Ant.
|