I'r ddrama hon y dyfarnwyd y wobr gyntaf yng nghystadleuaeth cyfansoddi Drama Fer yn Eisteddfod Genedlaethol Cymru yn yr Hen Golwyn yn 1941. Wele feirniadaeth Mr. John Gwilym Jones arni:
Helyntion cwmni drama y tu hwnt i'r llenni sydd yma. Crynhôdd yr awdur ddwsinau ohonynt i ychydig o le a hynny'n hollol naturiol heb arlliw gorlwytho. Ond y rhagoriaeth bennaf yw'r feirniadaeth sydd ynddi, dan gochl hiwmor caredig, iach, o fan genfigen aelodau cwmni drama at ei gilydd, o ddifrawder a diffyg difrifwch rhai ohonynt, o'r awdur sydd hefyd yn gorfod bod yn gynhyrchydd a chwarae rhan ei hunan, o berson pwlyf hirwyntog gyda'i ragfarnau a'i weniaith; mewn gwirionedd, o gant a mil o bethau.
Elsbeth Evans yn Y Ddrama Yng Nghymru:
Ni welir yr un naws ar watwareg neb o'r dramawyr diweddarach nes inni gyrraedd blaenoriaid Idwal Jones yn Pobl Yr Ymylon, a chwmni drama Eic Davies yn Y Tu Hwnt i'r Lenni.
Llwyfannwyd y ddrama am y tro cyntaf gan Chwaryddion Tŷ'r Cymry, Caerdydd.
| Mr James | Dewi Lloyd Jones |
| Marged | Gwyneth J Evans |
| Sam | Griffith John Jones |
| Gwen | Lynne Tudor |
| Siân | Gwyneth Protheroe |
| John | Llewelyn Walters |
| Y Parchedig Artemus Price | D Llewelyn Jones |
| Neli | Evelyn Gwynne Jones |
| Gwilym | Raymond Edwards |