| Sŵn bywyd a'r bydysawd. |
|
| Leia |
(Llais.) O eni'r blaned pedwar pwynt pump biliwn o flynyddoedd yn ôl, rwyt ti wedi bod yno. O'r dechrau. Rwyt ti yma. Rwyt ti wedi byw'r daith ac wedi goroesi. Rwyt ti wedi dysgu i siarad. I ymladd. I garu. Galaru. Rwyt ti wedi newid. Rwyt ti wedi esblygu. Fyddi di'n berson gwahanol ar ôl hwn, ac mae hynny'n iawn. Mae'n naturiol. Rhaid derbyn y newid a symud ymlaen. Derbyn y person yr wyt ti nawr gan gofio'r person oedd yno ddoe. Peidio anghofio. Paid byth ag anghofio. Bydd hynny'n aros gyda ti am oes. Y profiadau hyn sydd wedi ein llunio dros miloedd ar filoedd ar filiynau ar biliynau o flynyddoedd. Y profiadau hyn fydd yn parhau i dy lunio di yfory... |
| Y llais yn diflannu'n araf, fel petai'n teithio'n bellach... |
|
| Leia |
Ac yfory... |
| ...ac yn bellach i ffwrdd... |
|
| Leia |
Ac ymlaen i'r sêr. |
| ...i fannau pella'r bydysawd. |