| Dogfen wag ar y prosesydd geiriau. Mae ALUN yn teipio ar y laptop. |
|
| Alun1 |
MONOLOG – rwy'n gobeithio dy fod ti'n ei hoffi? ALUN: Rydw i'n boddi. Rydw i'n teimlo fel bod |
| Saib. |
|
| Alun |
Rydw i'n teimlo fel bod... |
| Saib. |
|
| Alun |
Fel bod... |
| Mae ALUN yn codi o'r ddesg ac yn mynd i flaen y llwyfan. Mae'n siarad gyda'r gynulleidfa. |
|
| Alun |
Rydw i'n dychmygu fy hun mewn ffilm. Rydw i'n dychmygu fy hun yn eistedd mewn sinema ac yn gwylio fy hun ar y sgrin fawr. Rydw i'n eistedd mewn sinema yn y ffilm yn gwylio ffilm arall ohona i ar y sgrin. Ffilm o fewn y ffilm. Ac ar y sgrin, rydw i'n sefyll yn stond. Yn hollol lonydd. Ac mae'r byd yn parhau i symud o 'nghwmpas. Yn gyflym. Yr effaith o bopeth yn symud yn gyflym iawn a fi yn y canol yn llonydd ac yn syllu'n syth at y camera. Fel petai popeth yn ormod i mi. Overwhelming. Fel petai'r fi ar y sgrin yn boddi ym mhrysurdeb y byd. Yn diflannu. Yn anweledig. A'r byd yn parhau i droi. A'r bobol yn parhau i fyw. A fi yn methu deall hynny. Yn methu deall sut mae'r byd yn parhau i droi a'r bobol yn parhau i fyw pan mae popeth i fi wedi newid. Pan mae popeth wedi dod i ben a dim ffordd bosib o weld y byd eto yn yr un ffordd. |
| Mae ALUN yn teimlo'r ddaeargryn yn codi. |