| Yn ofalus, mae ALUN yn codi LEIA yn ei law. Fel Hamlet â phenglog Yorick. Y mae'n aros fel hyn yn edrych arni. |
|
| Alun |
Mae gen ti farc arnot ti. Dent bach. |
| Leia |
Ymhle? |
| Alun |
Fan hyn. |
| Leia |
O ganlyniad i'r ergyd. |
| Alun |
Ie? |
| Leia |
Yr ergyd wrth lanio. |
| Alun |
Wyt ti'n ei deimlo? |
| Leia |
Nid yw pod fel hyn yn trosglwyddo teimladau ffisegol. |
| Alun |
Rwy'n gweld. |
| Leia |
Mae'n ymddangos nad yw'r anaf wedi effeithio ar weithrediad y pod. Rydw i'n ddiolchgar i ti am sylwi. |
| Alun |
Beth am deimladau emosiynol? |
| Leia |
Ym mha gyd-destun? |
| Alun |
O ran trosglwyddo teimladau. Ydy'r pod yn gallu trosglwyddo teimladau emosiynol? Wyt ti'n gallu teimlo emosiwn? |
| Leia |
Ydw. |
| Alun |
Pob emosiwn? |
| Leia |
O'r chwe emosiwn sylfaenol, rydw i'n medru teimlo pob un ohonynt. |
| Alun |
Chwech? |
| Leia |
Mae gan fodau datblygedig y gallu i deimlo emosiynau sydd yn dod dan chwe changen sylfaenol. Gellir dosbarthu pob emosiwn posib i'r chwe chategori hyn. |
| Alun |
Am ffordd o symleiddio teimladau! |
| Leia |
Ond mae'r canghennau sydd yn deillio o'r chwe emosiwn sylfaenol yn gymhleth tu hwnt. Yn ddiddiwedd. |
| Alun |
Felly sut wyt ti'n gallu teimlo? |
| Leia |
Sut wyt ti'n gallu teimlo? |
| Alun |
Mae'n digwydd yn naturiol. |
| Leia |
Dyna yn union sut yr wyf i'n teimlo hefyd, er mai geiriau yw fy unig ffordd i o fynegiant. Mae geiriau yn wyddonol, rhesymegol, ffeithiol. |
| Alun |
Beth am chwerthin? Llefen? |
| Leia |
Nid yw gweithredoedd ffisegol yn rhan o'n hunaniaeth. |
| Alun |
Cwtsh. Allwch chi ddim cwtsho? |
| Leia |
Mae fy nghronfa ddata yn egluro mai coflaid yw cwtsh. Nid yw cofleidio yn rhan o'n hunaniaeth. |
| Alun |
Mae cwtsh yn fwy na coflaid. Mae cwtsh yn... special. Mae'n... mae'n anodd egluro. |
| Leia |
Rydw i eisiau profi cwtsh. |
| Alun |
Wyt ti? |
| Leia |
Hoffwn deimlo cwtsh os gweli di'n dda. |
| Alun |
Iawn... |
| Yn araf ac yn betrus, mae ALUN yn rhoi cwtsh hir i LEIA. Saib. |
|
| Leia |
Na. |
| Alun |
Na? |
| Leia |
Ni allaf deimlo un o'r emosiynau y soniaist amdanynt. |
| Alun |
Dim byd? |
| Leia |
Mae fy synwyryddion allanol yn darllen gwasgedd a gwres uchel. |
| Alun |
Sori. |
| Leia |
Pam wyt ti'n ymddiheuro? |
| Alun |
Roeddwn i eisiau i ti deimlo cwtsh. |
| Leia |
Nid yw fy iaith raglenni yn galluogi hynny. |
| Alun |
Roeddwn i eisiau i ti deimlo'r hyn sydd yn digwydd rhwng dau berson. Rhwng pobl ar y blaned yma... |
| Leia |
Rwyt ti eisiau cwtsh gan dy fam. |
| Saib. |
|
| Leia |
Mae'r blaned hon yn teimlo ac yn mynegi cariad mewn ffordd arbennig. Gwahanol. Mae'n brydferth. |
| Alun |
Wyt ti wedi teimlo cariad? |
| Leia |
Nid ar lefel ddynol. |
| Alun |
Mae'n unigryw, felly? |
| Leia |
Ydy. Mae'r cariad ar draws y ddaear hon yn eithriadol. Y cysylltiad rhwng bodau dynol. Perthyn. Perthynas. Deuthum i'r blaned er mwyn gweld. Er mwyn deall beth sydd yma. |
| Alun |
Ar dy ben dy hun? |
| Leia |
Ar ôl colli. Er mwyn gwella mewn byd iach. |
| Alun |
Dyw'r ddaear ddim yn iach. |
| Leia |
Mae'n llawn lliw. Yn llythrennol ac yn emosiynol. Mae'n fyd lle mae emosiwn yn gyrru popeth. Mae hi'n fyd sydd yn wirioneddol fyw. |
| Alun |
Ond mae emosiwn yn gyrru pethau negatif hefyd. Emosiwn yw'r rheswm dros ein dioddefaint. Dros y boen rydym yn ei deimlo mewn colled. |
| Leia |
Mae'n rhaid dysgu i fyw gyda'r boen. Fydd e byth yn diflannu. |
| Alun |
Sut, Leia? Helpa i fi ddeall. |
| Leia |
Does dim i ddeall. |
| Alun |
Plîs. |
| Leia |
Mae'n rhan o fywyd. Yn y diwedd, mi fyddi di'n gweld... 'Per ardua ad astra'. |
| Alun |
Lladin? Sut mae rhyw hen eiriau mewn Lladin i fod i helpu? |
| Leia |
Cyfieithiad... "Through adversity to the stars." |
| Tywyllwch. |