| |
|---|
|
Golygfa 3
Mae drws y capel yn agor.
Clywir, o bell, pump o wŷr ifainc uchel eu hysbryd, os nad lled-feddw, yn agosau.
Wrth iddynt ddod mewn trwy'r drws gwelir – o'u gwisg a'u hyder - mai boneddigions ydynt.
Golygfa fyrfyfyr fydd hon i'w phrifio o'r hadau canlynol...
Mae bob yr un ohonynt â photel siampên yn ei law.
Mae pob potel wedi'i lapio â baner ymerodraethol, sef... Awstro-Hwngari, Rwsia, yr Almaen, Ffrainc a Phrydain.
Eu hymateb cyntaf wrth 'ddarganfod' y gofod newydd yw hawlio eu cyfran yn enw eu hymerodraeth. cyflawnir hyn pe byddent yn chwarae gêm.
Mae'r gêm yn datblygu yn ei sbri wrth i'r pump ruthro i 'feddiannu' mwy a mwy o 'diroedd'.
Digwydd rhyw fath o anffawd.
Ond nid yw'r sawl a anafwyd yn fodlon derbyn mai damwain ydoedd.
Mae'r chwarae yn troi'n chwerw wrth i'r cwmni meddw ymrannu'n garfannau cecrus (yr Almaen ac Awstria-Hwngari yn erbyn Ffrainc, Prydain a Rwsia).
Mae cyfeiliant y tympani yn dychwelyd.
Yn frawychus o gyflym mae'r cyfeiliant hwn yn troi'r ymgecru yn ffieidd-dra gwirioneddol brawychus.
Clywir y geiriau 'this means war'/ 'this is war'/ 'war' drosodd a throsodd.
Wedi cyrraedd ei ben llanw...
Tywyllwch dudew a thawelwch llethol am funud gyfan.
|