| Golygfa 14 Yn y sêt fawr, mae gweinidog yn ymarfer wrth ymwisgo. Mae ei goler gron yn amlwg, ond dim ond wrth eu gwisgo gwelwn mai siaced a chapan cyrnol sydd ganddo. Wrth i'r ymwisgo fynd rhagddo try'r ymarfer yn berfformiad – yn bererasiwn didwyll a dilyffethair. |
|
| Llais |
(Salm 24) Eiddo yr Arglwydd y ddaear a'i chyflawnder; y byd, ac a breswylia ynddo. Canys efe a'i seiliodd ar y moroedd, ac a'i sicrhaodd ar yr afonydd. Pwy a esgyn i fynydd yr Arglwydd, a phwy a saif yn ei le sanctaidd ef? Y glân ei ddywlo, a'r pur ei galon; yr hwn ni ddyrchafodd ei feddwl at wagedd, ac ni thyngodd i dwyllo. Efe a dderbyn fendith gan yr Arglwydd, a chyfiawnder gan Dduw ei iachawdwriaeth. Dyma genhedlaeth y rhai a'i ceisiant ef, y rhai a geisiant dy wyneb di, O Jacob. O byrth, dyrchefwch eich pennau; ac ymddyrchefwch, ddrysau tragwyddol; a brenin y gogoniant a ddaw i mewn. Pwy yw Brenin y gogoniant hwn? Yr Arglwydd nerthol a chadarn, yr Arglwydd cadarn mewn rhyfel. O byrth dyrchefwch eich pennau; ac ymddyrchefwch, ddrysau tragwyddol; a Brenin y gogoniant a ddaw i mewn. Pwy yw Brenin y gogoniant hwn? Arglwydd y lluoedd. Efe yw Brenin y gogoniant. |